"Kamaz" aşdı: sürücü avtomobilin altında qalıb öldü

Qobu qəsəbəsində yol-nəqliyyat hadisəsinin baş verib. FHN-dən Avtosfer.az-a verilən məlumata görə, Nazirliyin  Xüsusi Riskli Xilasetmə Xidmətinin müvafiq xilasetmə qüvvələri hadisə yerinə cəlb olunub. Əməliyyat şəraiti qiymətləndirilərkən müəyyən edilib ki, "KamAZ" markalı avtomobil yükünü boşaldarkən aşıb, nəticədə sürücü, 1965-ci il təvəllüdlü Əhmədov Nəriman Qurban oğlu nəqliyyat vasitəsinin altında qalaraq ölüb. Sürücünün meyiti xilasedicilər tərəfindən çıxarılaraq, aidiyyəti üzrə təhvil verilib.