Kater batdı – 9 ölü, 5 nəfər xilas edilib

Türkiyədə kater qəzaya uğrayıb. "Report"un məlumatına görə, bu barədə "NTV" xəbər verib.

İlkin məlumata görə, hadisə Antalyada, Demre sularında baş verib. Belə ki, Avropa ölkələrinə qanunsuz yolla keçmək istəyən qeyri-leqal miqrantları daşıyan kater batıb. Hadisə nəticəsində 9 miqrant həlak olub. Daha 5 nəfər isə xilas edilib.

Qəza nəticəsində 1 nəfər itkin düşüb. Onun axtarışına başlanılıb.