Kürdəmirdə iki minik avtomobili toqquşdu

Kürdəmirdə xəsarətlə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə bu gün axşam saatlarında Ağsu-Kürdəmir-İmişli yolunun Kürdəmir rayonundan keçən hissəsində qeydə alınıb.

Kürdəmir rayonunun Ərəbxana kənd sakini, 1979-cı il təvəllüdlü İlhamiz Əlabbas oğlu Vəliyevin idarə etdiyi “QAZ-31” markalı minik maşını ilə 1995-ci il təvəllüdlü Orxan Hafiz oğlu Fərəclinin idarə etdiyi “Mercedes” markalı maşınla toqquşub.

Nəticədə sürücü O. Fərəcli müxtəlif xəsarətlərlə Kürdəmir Mərkəzi Rayon Xəstəxanasına yerləşdirilib.

Faktla bağlı araşdırma aparılır.