“Lamborghini” qəza törətdi: azərbaycanlı bloqerin maşını zədələndi - VİDEO

Moskvada zəncirvari qəza baş verib.  Avtosfer.az oxu.az-a istinadən verdiyi məlumata görə, dönmə əməliyyatı edən avtomobilə “Lamborghini” markalı maşın çırpılıb.  Sonra “Lamborghini” restoran yaxınlığında yerləşən digər avtomobillərə dəyib. Onların arasında “Bentley”, “Porsche”, “Maybach” və “Mercedes” markalı bahalı avtomobillər olub. Qəza barədə sosial şəbəkələrdə azərbaycanlı bloqer Hüseyn Həsənov məlumat yayıb. Yeri gəlmişkən, restoran yaxınlığında olan H. Həsənova məxsus “Gelandewagen” markalı avtomobil də baş vermiş zəncirvari qəza nəticəsində yüngül zədə alıb.