Lənkəranda yol qəzası: 3 yaralı

Lənkəranda yol qəzası baş verib. Avtosfer.az-ın APA-ya istinadən məlumatına görə, "Mercedes" markalı avtomobilin hərəkətdə olarkən idarəetmədən çıxması nəticəsində 3 nəfər xəsarət alıb. Yaralılar - Masallı rayon Mahmudavar kənd sakini, 1982-ci il təvəllüdlü Nuranə Əbdül qızı Qafarova, Lənkəran şəhər sakinləri - 1974-cü il təvəllüdlü Azər Zakir oğlu Babayev və 1980-ci il təvəllüdlü Şahin Ramiz oğlu Əlizadə müxtəlif dərəcəli xəsarətlərlə Lənkəran Rayon Mərkəzi Xəstəxanasına yerləşdirilib. Faktla bağlı araşdırma aparılır.