Masallıda yük və minik maşınları toqquşub, 6 nəfər xəsarət alıb

Avtosfer.Az-ın  "Report"a istinadən  verdiyi xəbərə görə hadisə Ələt-Astara magistralının Masallı rayonunun Təzəkənd dairəsində baş verib.

"Shacman" markalı yük maşını "Mercedes" markalı minik maşınla toqquşub. İlkin məlumata görə qəza nəticəsində "Mersedes" yoldan çıxaraq aşıb. Nəticədə minik maşınında olan 4 nəfər və yük maşınında olan 2 nəfər xəsarət alıb.

Yaralılar Masallı rayonunda xəstəxanaya yerləşdirilib.

Faktla bağlı araşdırma aparılır.