Maşın aşdı: sürücü xəsarət alıb - Goranboyda

Goranboy rayonunda xəsarətlə nəticələnən yol-nəqliyyat hadisəsi baş verib. "Report"un Qərb bürosunun məlumatına görə, "Niva" markalı avtomobil Bakı-Qazax yolunun Goranboy rayonunun Dəliməmmədli kəndi ərazisindən keçən hissəsində idarəetmədən çıxaraq aşıb. Nəticədə Gəncə şəhərindən olan 1963-cü il təvəllüdlü sürücü Zeynalov Məzahir Məhərrəm oğlu xəsarət alıb. Xəstəxanaya yerləşdirilən yaralının vəziyyəti qənaətbəxşdir.

Faktla bağlı araşdırma aparılır.