Maşını beton maneəyə çırpıldı: sürücü xəsarət alıb - Xaçmazda

Xaçmaz rayonunun Çarxı kəndində "VAZ" markalı minik avtomobili beton maneəyə çırpılıb. Avtosfer.az xəbər verir ki, bu barədə məlumat FHN-in Böhran Vəziyyətlərində İdarəetmə Mərkəzinə daxil olub. Məlumata əsasən, hadisə yerinə cəlb olunmuş Şimal Regional Mərkəzinin müvafiq xilasetmə qüvvələri avtomobildə sıxılmış vəziyyətdə qalmış sürücünü deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.