Məhkəmə hakiminin öldüyü qəza yerindən VİDEO

Sumqayıt Ağır Cinayətlər Məhkəməsinin hakimi Aynur Rzayevanın həyatını itirdiyi yol-nəqliyyat hadisəsinə dair görüntülər yayılıb.

Avtosfer.az-ın məlumatına görə, qəza Novxanı–Pirşağı avtomobil yolunda baş verib. Hadisə zamanı A. Rzayevanın içərisində olduğu “Nissan Sunny” markalı avtomobil başqa bir nəqliyyat vasitəsi ilə toqquşub.

Qeyd olunub ki, qəza anında avtomobili mərhum hakim deyil, digər bir şəxs idarə edirmiş. Məlumata əsasən, hadisə Aynur Rzayeva işdən çıxaraq evə qayıdarkən baş verib.

Qəza nəticəsində Aynur Rzayeva ağır xəsarətlər alıb və xəstəxanaya çatdırılıb. Həkimlərin göstərdiyi bütün tibbi yardıma baxmayaraq, onun həyatını xilas etmək mümkün olmayıb və o, tibb müəssisəsində vəfat edib. Avtomobili idarə edən sürücü isə müxtəlif dərəcəli ağır bədən xəsarətləri alıb.

Bildirək ki, Aynur Rzayeva Birinci Qarabağ müharibəsi şəhidi Tapdıq Rzayevin övladıdır.