Məktəb avtobusu qəzaya uğradı: çox sayda yaralı var

ABŞ-ın Nyu-Cersi ştatında məktəb avtobusu qəzaya uğrayıb. Avtosfer.az-ın Trend-ə istinadən verdiyi məlumata görə, qəza nəticəsində 42 insan xəstəxanaya yerləşdirilib. İnsident ştatın şimalında Midlseks dairəsində baş verib. Hüquq-mühafizə orqanlarının rəsmi Twitter səhifəsində bildirilir: "Təxminən 42 nəfər, uşaqlar və böyüklər, yerli xəstəxanalara yerləşdirilib. Ciddi xəsarətlər və ölənlər barədə məlumat yoxdur".