Mikroavtobusu "KamAZ"la toqquşdu: 2 ölü, 9 yaralı - FOTO

Qax rayonunda baş verən ağır yol-mqəliyyat hadisəsi zamanı xəsarət alanlardan 1-i xəstəxanada ölüb. "Report"un məlumatına görə, hadisə zamanı ölənlərin sayı 2, yaralananların sayı 9 nəfərə çatıb. Faktla bağlı araşdırmalar davam etdirilir.

***11:41

Qax rayonunda baş verən ağır yol-nəqliyyat hadisə zamanı yaralananların sayı  10 nəfərə çatıb. Yaralılar Qax Rayon Mərkəzi Xəstəxanasına çatdırlıb.

***11:31

Qax rayonunda baş verən ağır yol-nəqliyyat hadisəsi zamanı ölən şəxsin adı məlum olub.

Mikroavtobusun sürücüsü, Zaqatala rayonunun Qandax kənd sakini, 1976-cı il təvəllüdlü İlkin Haqverdi oğlu Əliyev hadisə yerində ölüb.

Hadisə Yevlax-Zaqatala-Gürcüstan magistralının 78-ci kilometrliyində baş verib.

Faktla bağlı araşdırmalara başlanılıb.

***11:19

Qax rayonunda baş verən ağır yol qəzasında mikroavtobusun sürücüsü ölüb.

Hadisə zamanı 1 nəfər azyaşlı və 1 nəfər qadın olmaqla 4 nəfər xəsarət alıb. Yaralılar Qax Rayon Mərkəzi Xəstəxanasına yerləşdirilib. Xəstəxanadan bildirilib ki,  yaralıların vəziyyəti ağırdır: "Yaralılardan azyaşlı uşaq və anası ölümcül vəziyyətdədir. Uşağın başı əzilib, kəllə sümüyü sınıb və beyni zədələnib. Yaralılara ilkin yardım göstərildikdən sonra Bakıdakı özəl klinikalardan birinə göndərilməsi planlaşdırılıb".

***10:56

Qax rayonunda sərnişin mikroavtobusu qəzaya düşüb, ölən və yaralananlar var.

Hadisə Yevlax-Zaqatala-Gürcüstan magistralının Qax rayonunun Baydarlı kəndi ərazisindən keçən hissəsində baş verib. Belə ki, Əliabad-Mingəçevir marşrut xətti üzrə fəaliyyət göstərən "Mercedes" markalı sərnişin mikroavtobusu "KamAZ"la toqquşub. İlkin məlumatlara görə, hadisə nəticəsində 1 nəfər ölub, 3 nəfər yaralanıb.

Hazırda hüquq-mühafizə orqanları hadisə yerindədir.