"MiQ-21" qırıcısı qəzaya uğradı: pilot ölüb

Hindistan Hərbi Hava Qüvvələrinə məxsus "MiQ-21" qırıcısı ölkənin şimalındakı Himaçal Pradeş əyalətində qəzaya uğrayıb. Avtosfer.az "Report"a istinadən xəbər verir ki, qəza nəticəsində pilot ölüb. Hindistan təhlükəsizlik xidmətlərinin məlumatına görə, təyyarə Pathankot şəhərindəki bazadan havaya qalxıb. Uçuşdan sonra qırıcı ilə əlaqə kəsilib, qəzanın səbəbləri hələlik açıqlanmır. Qəza yerində polis işləyir. Qəzadan sonra baş verən yanğın söndürülüb.