Motosiklet piyadanı vurdu: 2 nəfər xəsarət alıb - Neftçalada

Neftçala rayonunda 2 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az “Report”a istinadən xəbər verir ki, hadisə rayonun Xolqarabucaq kəndində qeydə alınıb. Rayonun 1989-cu il təvəllüdlü Xəzərkənd kənd sakini Quliyev Çingiz Rahim oğlu idarə etdiyi motosikletlə hərəkətdə olarkən 1997-ci il təvəllüdlü Xolqarabucaq kənd sakini Abdullayev Fəxrəddin Rövşən oğlunu vurub. Nəticədə sürücü və piyada müxtəlif dərəcəli xəsarətlər alaraq Salyan Mərkəzi Rayon Xəstəxanasına yerləşdirilib. Faktla bağlı araşdırma aparılır.