Naxçıvanda AĞIR QƏZA: Ölən və xəsarət alan var - VİDEO

Ötən gecə Naxçıvan şəhərində ağır yol-nəqliyyat hadisəsi baş verib.

Avtosfer.az “Nuhçıxan”a istinadən xəbər verir ki, hadisə şəhərin Nizami küçəsində qeydə alınıb.

Qəza zamanı “Mercedes” markalı minik avtomobili ilə “NAZ Lifan” (taksi) markalı maşın toqquşub.

Nəticədə taksinin sürücüsü, Naxçıvan şəhər sakini 1988-ci il təvəllüdlü Cəfərov Sərxan Kamran oğlu hadisə yerində vəfat edib. Avtomobildə olan sərnişin, Babək rayon sakini 2004-cü il təvəllüdlü Sübhan Abbas Aftandil oğlu xəsarət alıb. O, xəstəxanaya yerləşdirilib, vəziyyəti orta-ağırdır.

Faktla bağlı araşdırma aparılır.