Neftçalada yol qəzası: ölən var

Neftçala rayonunda 1 nəfərin ölümü ilə nəticələnən yol-nəqliyyat nadisəsi baş verib. Avtosfer.az "Report"a istinadən xəbər verir ki, hadisə ötün gün axşam saatlarında Şirvanlı kəndi ərazisində qeydə alınıb.

Belə ki, Neftçala şəhər sakini, 1952-ci il təvəllüdlü Elxan Dadaşov idarə etdiyi "Pajero" markalı avtomobillə hərəkətdə olarkən nəqliyyat vasitəsinə idarəetməni itirib. Nəticədə avtomobil yolun kənarına aşıb.

Qəza zamanı sürücü xəsarət almasa da, avtomobildəki sərnişin, rayon sakini, 1972-ci il təvəllüdlü Əsgərov Rəşid İsmayıl oğlu xəsarət alıb. O, hadisə yerində dünyasını dəyişib.

Faktla bağlı araşdırma aparılır.