Nobel prospektində kişini maşın vurub

Paytaxtın Xətai rayonunda bir nəfərin xəsarət alması ilə nəticələnən yol qəzası baş verib. "Report"un xəbərinə görə, 1987-ci il təvəllüdlü Tağıyev Azər Səyyad oğlu Nobel prospektində yerüstü piyada keçidinin altından keçərkən onu minik avtomobili vurub. Yaralı "təcili yardım" maşını vasitəsilə 3 saylı Kliniki Tibbi Mərkəzə yerləşdirilib. Faktla bağlı Xətai Rayon Polis İdarəsinin əməkdaşları tərəfindən avtotexniki ekspertiza təyin edilib.