Oğul avtomobillə qəsdən atasını vuraraq öldürüb - Ağcabədidə

Ağcabədidə oğul avtomobillə qəsdən atasını vuraraq öldürüb. Avtosfer.az "Report"a istinadən xəbər verir ki, bu barədə Daxili İşlər Nazirliyi məlumat yayıb. Belə ki, iyulun 27-də Ağcabədi rayon sakini Mirzəxan Baxşəliyev yaşadığı Qaradolaq kəndi ərazisindəki “Ağgöl” adlanan fermanın həyətində idarə etdiyi “Niva” markalı avtomobillə qəsdən atası Musa Baxşəliyevi və ögey anası Dilarə Baxşəliyevanı vurub könüllü olaraq polisə gəlib. Musa hadisə yerində ölüb, xəstəxanaya yerləşdirilən Dilarənin vəziyyəti orta-ağırdır. Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.