Orta yaşlı kişini avtomobil vurub - Bakıda

Sabunçu rayonunda bir nəfərin xəsarət alması ilə nəticələnən yol qəzası baş verib. "Report" xəbər verir ki, hadisə Zabrat qəsəbəsində qeydə alınıb. Yanacaqdoldurma məntəqəsinin qarşısında yolun digər tərəfinə keçmək istəyən 1982-ci il təvəllüdlü Cavadov Seymur Bəylər oğlunu "Mercedes" markalı avtomobil vurub. Yaralı hadisəni törədən sürücünün köməkliyi ilə 3 saylı Kliniki Tibbi Mərkəzə yerləşdirilib. Faktla bağlı Sabunçu Rayon Polis İdarəsinin əməkdaşları hadisəni törədən sürücünü məsuliyyətə cəlb edib.