Piyadanı vuraraq qaçan sürücü maşınla dirəyə çırpılıb - Mingəçevirdə

Axşam saatlarında Mingəçevir şəhərində 2 nəfərin xəsarət alması ilə nəticələnən yol-nəqliyyat hadisələri baş verib. “Report” xəbər verir ki, şəhərin Təbriz küçəsi ilə hərəkətdə olan naməlum markalı maşın təqribən 40-42 yaşlı piyadanı vuraraq hadisə yerindən uzaqlaşıb. Lakin maşın 600-700 metr getdikdən sonra idarətemədən çıxaraq yol kənarındakı dirəyə çırpılıb. Hər iki yaralı xəstəxanaya çatdırılıb. Vurulan piyadanın Mingəçevir balıqçılıq müəssisəsinin Anar adlı əməkdaşı olduğu bildirilir. Faktla bağlı araşdırma aparılır.