Polis bayram günlərində baş verən qəzaların görüntülərini yaydı - VİDEO

Daxili İşlər Nazirliyi Nəqliyyatı İntellektual İdarəetmə Mərkəzi bayram günlərində yağışlı hava şəraitində paytaxt yollarında baş verən yol-nəqliyyat hadisələrinin səbəblərinə aydınlıq gətirib.

Avtosfer.az xəbər verir ki, qeydə alınan qəzalar əsasən sürücülərin yol hərəkəti qaydalarına əməl etməməsi nəticəsində baş verib. Nəticədə maddi zərər yaranıb, yollarda vaxt itkisi və nəqliyyat sıxlığı müşahidə olunub.

Bildirilib ki, sürət həddinin düzgün seçilməməsi, ara məsafəsinin hava və yol şəraitinə uyğun saxlanılmaması, həmçinin manevr qaydalarının pozulması bu cür hadisələrin əsas səbəblərindəndir.

Qurum sürücülərə müraciət edərək, xüsusilə yağışlı hava şəraitində daha diqqətli olmalarını və qaydalara ciddi riayət etmələrini tövsiyə edib.