"Porsche" maneəyə çırpılaraq yanıb - Bakıda

Bakı şəhərinin Nərimanov rayonunda "Porsche" markalı minik avtomobilinin maneyə çırpılması nəticəsində yanğınla nəticələnən yol-nəqliyyat qəzası baş verib. FHN-dən Avtosfer.az-a bildirilib ki, yanğın nəticəsində avtomobilin yanar hissələri yanıb. Yaxınlıqdakı avtomobillər yanğından mühafizə olunub. Alov yanğın bölmələri tərəfindən söndürülüb. Faktla bağlı araşdırma aparılır.