Qayda pozan sürücü bir maşını və iki piyadanı vurdu – Yaralılar var - VİDEO

Yol hərəkəti qaydalarını pozan sürücü iki hadisəni birdən törədib. Avtosfer.az xəbər verir ki, Rusiyanın Çeboksar şəhərində “Lada Granta” markalı avtomobilin 30 yaşlı sürücüsü yol kəsişməsində sola dönərkən manevr qaydasını pozub və qarşıdan gələn “Lada Vesta”ya yol verməyərək onunla toqquşub. Zərbənin təsirindən idarəetmədən çıxan “Granta” sürətlə piyada keçidinə doğru hərəkət edib və həmin vaxt keçiddən keçən iki nəfəri - 78 yaşlı kişi və 72 yaşlı qadın vurub.
Qəza nəticəsində hər iki təqaüdçü ağır bədən xəsarətləri ilə xəstəxanaya aparılıblar.
Faktla bağlı hüquq-mühafizə orqanları tərəfindən araşdırma aparılır.
Sözügedən hadisənin anbaan görüntülərini təqdim edirik:

Namiq Musayev