Qazaxda avtomobil yük maşınına çırpıldı - ÖLƏN VAR

Qazax rayonunda ölümlə nəticələnən yol-nəqliyyat hadisəsi baş verib.

Avtosfer.az unikal-a istinadən xəbər verir ki, hadisə rayon ərazisində qeydə alınıb. Belə ki, hərəkətdə olan minik avtomobili ilə yük maşını toqquşub. Qəza nəticəsində bir nəfər ağır xəsarət alıb və xəstəxanaya aparılarkən yolda həyatını itirib.

Hadisə yerinə polis əməkdaşları cəlb olunub. Faktla bağlı araşdırma aparılır.