Qəbələdə ata qəza törətdi: 11 yaşlı oğlu öldü

Qəbələdə ölümlə nəticələnən yol qəzası baş verib.

Avtosfer.az oxu.az-a istinadən xəbər verir ki, hadisə bu gün saat 16 radələrində Ağdaş-Zarağan avtomobil yolunun Qəbələ rayonunun Soltannuxa kəndi ərazisindən keçən hissəsində qeydə alınıb. Yolda hərəkətdə olan "Opel" markalı avtomobil idarəetmədən çıxaraq aşıb. Hadisə nəticəsində sürücü, 34 yaşlı Polad Ağababayev xəsarət alıb, sərnişini, 11 yaşlı oğlu Z.Ağababayev isə aldığı xəsarətlərdən hadisə yerində ölüb.

DİN-in Mətbuat Xidmətinin regional qrupundan bildirilib ki, faktla bağlı ərazi üzrə polis orqanında cinayət işi başlanılıb, araşdırmalar aparılır.