Qəzaya uğrayan avtomobil yaşayış evinə çırpılıb - Biləsuvarda

Biləsuvar rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Amankənd kəndi ərazisində qeydə alınıb. Belə ki, idarəetməni itirən "Mercedes" markalı avtomobil yaşayış evinə çırpılıb. Hadisə nəticəsində xəsarət alan olmasa da, avtomobilə və yaşayış evinə ziyan dəyib. Faktla bağlı araşdırma aparılır.