Rusiya vətəndaşını maşın vurub - Bakıda

Bakının Nizami rayonunda piyadanın vurulması ilə nəticələnən yol-nəqliyyat hadisəsi baş verib. “Report” xəbər verir ki, 1996-cı il təvəllüdlü Boro Vladislav Vladimiroviç "Xudafərin" şadlıq sarayının qarşısından yolun digər tərəfinə keçmək istəyən zaman onu minik avtomobili vurub. Yaralı dərhal 3 saylı Kliniki Tibbi Mərkəzə yerləşdirilib. Faktla bağlı Nizami Rayon Polis İdarəsində araşdırma aparılır.