Rusiyada təyyarə qəzasında iki nəfər ölüb

Moskva vilayətinin Kolomna şəhərində təyyarənin qəzaya uğraması nəticəsində iki nəfər ölüb.

Avtosfer.az xəbər verir ki, “Direct Fly” markalı “ALTO NG” model təyyarə Stupino şəhər dairəsində yerləşən “Torbeevo-Start” aerodromundan planlı uçuş həyata keçirirmiş. İlkin məlumata görə, hava gəmisinin qəzaya uğraması nəticəsində göyərtədə olan hər iki şəxs həyatını itirib.

Hadisənin başvermə şəraiti və səbəbləri araşdırılır.