Sabirabadda ağır yol qəzası - 4 yaralı

Sabirabad rayonunda 4 nəfərin xəsarət alması ilə nəticələnən yol qəzası baş verib. “Report”un Aran bürosunun məlumatına görə, hadisə rayonun Qaratoğay kəndində qeydə alınıb. Belə ki, 10-XH-058 dölət nömrə nişanlı “Mercedes” markalı avtomobillə 54-BH-814 dövlət nömrəli “VAZ-21015” markalı avtomobil toqquşub. Qəza nəticəsində rayonun Qaratoğay kənd sakinləri, 1956-cı iltəvəllüdlü Yaqubova Gülnar Yaqub qızı, 2010-cu il təvəllüdlü Sərvin Səbuhi qızı Nuriyeva, 1980-ci il təvəllüdlü Nuriyev Səbuhi Sakit oğlu, Güdəcühür kənd sakini Abbasov Ramil Soltanəli oğlu müxtəlif dərəcəli bədən xəsarətləri alıblar.

Xəsarət alanlar Şirvan Şəhər Mərkəzi Xəstəxanasına yerləşdiriliblər.

Faktla bağlı araşdırma aparılır.