Sabirabadda fəhlələri daşıyan traktor aşdı: 6 nəfər ölüb - FOTO

Sabirabad rayonunda baş verən ağır yol-nəqliyyat hadisəsi nəticəsində ölənlərin sayı 6 nəfərə çatıb. "Report"un Şirvan bürosu xəbər verir ki, rayonun Şəhriyar kənd sakini, İmanov Xalid Əjdər oğlu idarə etdiyi traktorla tarlaya işçiləri aparan zaman traktor idarəetmədən çıxaraq su kanalına düşüb. İlkin məlumata görə, nəticədə qoşquda əyləşən 7 qadın sərnişindən  5-i ölüb. Daha iki nəfər isə ağır halda Şirvan Şəhər Mərkəzi Xəstəxanasına aparılıb. Yaralılardan biri xəstəxanada ölüb.  Hadisə nəticəsində ölənlərdən ikisinin adı məlum olub. Bu, Məlahət İmanova və Reyhan Qasımovadır.

***9:39

Sabirabad rayonunda ağır-yol nəqliyyat hadisəsi baş verib. Hadisə rayonun Şəhriyar kəndi ərazisində baş verib. Belə ki, fəhlələri tarlaya aparan traktor aşıb. Nəticədə traktorun qoşqusunda olan 5 nəfər ölüb. Faktla bağlı araşdırmalara başlanılıb.