Şabranda "Qaz 53" dirəyə çırpıldı - Sürücü ÖLDÜ - YENİLƏNİB

Şabranda baş verən yol-nəqliyyat hadisəsi zamanı xəsarət alanların vəziyyəti açıqlanıb.

Avtosfer.az oxu.az istinadən xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"İyunun 1-i saat 00:20-də Şabran rayonunda baş verən yol-nəqliyyat hadisəsi nəticəsində xəsarət alan üç nəfər Şabran Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlardan 2011-ci il təvəllüdlü şəxs (kişi cinsli) dəqiqləşdirilməmiş kəllə daxili travma, başın alın təpə nahiyyəsinin kəsilmiş yarası, 1975-ci il təvəllüdlü şəxs (kişi cinsli) dəqiqləşdirilməmiş kəllədaxili travma, burun nahiyəsinin sıyrılmış yarası, sağ çiyin nahiəsinin əzilməsi, sağ baldırın orta 1/3-nin əzilməsi diaqnozları ilə Anesteziologiya, reanimasiya və intensiv terapiya şöbəsinə yerləşdirilib. 1990-cı il təvəllüdlü şəxs isə (kişi cinsli) başın alın təpə nahiyəsinin cırılmış yarası, sağ çiyin nahiyəsinin əzilməsi diaqnozları ilə Cərrahiyyə şöbəsinə yerləşdirib.

Hər üç şəxsin vəziyyəti stabil qiymətləndirilir", - deyə məlumatda qeyd olunub.

***09:36

Şabranda ölümlə nəticələnən yol-nəqliyyat hadisəsi baş verib.

Avtosfer.az xəbər verir ki, hadisə rayonun Zeyvə kəndində baş verib.

Belə ki, 1980-cı il təvəllüdlü Özbəy Əmirhəmzəyev idarə etdiyi "Qaz 53" markalı avtomobillə hərəkətdə olan zaman idarəetməni itirərək yol kənarındakı işıq dirəyinə çırpılıb, o, aldığı xəsarətlərdən hadisə yerində ölüb.

Maşında olan sərnişinlər – 2011-ci il təvəllüdlü Tərlan Balaqədəşov, 1975-ci il təvəllüdlü Gülmalı Balaqədəşov və 1990-cı il təvəllüdlü Həmid Şıxəliyev isə müxtəlif dərəcəli bədən xəsarətləri alıb.

Faktla bağlı cinayət işi başlanılıb.