Şahzadə qəzaya uğradı, avtomobildəki xanımı öldü

Kamboca şahzadəsi Norodom Ranarit qəzaya uğrayıb. Trend-in məlumatına görə, qəza nəticəsində şahzadə xəsarət alıb, onun həyat yoldaşı isə həlak olub. Qeyd olunur ki, qəzaya taksi sürücüsü səbəb olub. Yüksək sürətlə hərəkət edən taksi sürücüsü idarəetməni itirərək şahzadənin olduğu avtomobilə çırpılıb. Taksidə olan 5 sərnişin də xəsarət alıb. Qəza ilə əlaqədar taksi sürücüsü barəsində cinayət işi açılıb.