Salyanda avtomobillə vurulan qadınlardan biri xəstəxanada ölüb

Salyan rayonunda avtomobillə vurulan qadın piyadalardan biri xəstəxanada ölüb. Hadisə nəticəsində ağır bədən xəsarətləri alan hər iki piyada xəstəxanaya yerləşdirilib. Həkimlərin səyinə baxmayaraq Şərqiyyə Nazim qızı Əhədova xəstəxanada ölüb. Arbatan kənd sakini,1981-ci il təvəllüdlü Fərzalı Aslan oğlu Fərəcov idarə etdiyi “Niva” markalı avtomobillə hərəkətdə olarkən yolu keçmək istəyən rayon sakinləri, 1950-ci il təvəllüdlü Əsgərova Kəmalə Aslan qızı və 1969-cu il təvəllüdlü Əhədova Şərqiyyə Nazim qızını vurub. Yaralılar Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.