Salyanda iki avtomobil toqquşdu - FOTO - YENİLƏNİB

Salyan rayonunda baş verən yol-nəqliyyat hadisəsi zamanı xəsarət alan şəxslərin son vəziyyəti açıqlanıb.

Salyan Rayon Mərkəzi Xəstəxanasından bildirilib ki, baş verən yol-nəqliyyat hadisəsi səbəbi ilə Salyan Rayon Mərkəzi Xəstəxanasının Təcili tibbi yardım şöbəsinə yanvarın 28-də, saat 11:10-da iki nəfər (qadın cinsli) hospitalizasiya olunub.

"Müxtəlif bədən xəsarətləri alan şəxslərə zəruri tibbi xidmətlər göstərilib. Hazırda onların müalicələri davam etdirilir, bir nəfərin vəziyyəti orta ağır, digərinin vəziyyəti isə ağır qiymətləndirilir", - deyə məlumatda bildirilir.

Oxu.Az-ın əldə etdiyi məlumata görə, sözügedən yol-nəqliyyat hadisəsi bu gün saat 11:00-da rayonun Seyidsadıqlı kəndi ərazisindən keçən hissəsində qeydə alınıb. BMW markalı, 99-GA-139 dövlət nömrə nişanlı avtomobillə VAZ markalı, 52-BL-784 dövlət nömrə nişanlı avtomobillər toqquşub.

Xəsarət alanlar VAZ markalı avtomobildə olan sərnişinlərdir./oxu.az

***11:53

Salyan rayonunda baş verən avtomobil qəzasında xəsarət alanlar var.

Avtosfer.az "Report"a istinadən xəbər verir ki, hadisə köhnə Ələt-Astara magistralının rayonun Seyidsadıqlı kəndi ərazisindən keçən hissəsində qeydə alınıb.

BMW və VAZ-2107 markalı avtomobillərin toqquşması nəticəsində hələlik şəxsiyyəti dəqiqləşdirilməyən üç nəfər xəsarət alıb. Onlardan birinin vəziyyətinin ağır olduğu bildirilir.

Faktla bağlı araşdırma aparılır.