Salyanda minik və yük avtomobilləri TOQQUŞDU - YENİLƏNİB

Salyanda qəzaya düşən şəxslər dost olublar.

Avtosfer.az "Qafqazinfo"ya istinadən xəbər verir ki, onlar balıq ovu üçün yola çıxıblarmış.

Salyan Rayon Mərkəzi Xəstəxanasından bildirilib ki, bədən xəsarətləri alan yaralılara zəruri tibbi xidmət göstərilib.

Qeyd edilib ki, hazırda vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.

*** 24 mart, 20:36
Salyanda bir neçə nəfərin xəsarət alması ilə nəticələnən yol-nəqliyyat hadisəsi olub.

Avtosfer.az "Report"a istinadən xəbər verir ki, hadisə Ələt-Astara magistralının rayonun Quyçu kəndindən keçən hissəsində qeydə alınıb.

Belə ki, VAZ-2107 markalı minik avtomobili "Mercedes Ateko" markalı yük maşını ilə toqquşub. Qəza nəticəsində VAZ-2107 markalı avtomobildə olanlar - Salyan rayon sakinləri - 1986-cı il təvəllüdlü Zaur Elxan oğlu Ramazanov, 1981-ci il təvəllüdlü Zamin Hilal oğlu Həsənov və 1984-cü il təvəllüdlü Pərvin Siyasət oğlu İslamov müxtəlif dərəcəli xəsarətlər alıblar.

Yaralılar Salyan Rayon Mərkəzi Xəstəxanasına çatdırılıblar.

Faktla bağlı araşdırma aparılır.