Salyanda yol qəzası olub, xəsarət alanlar var

Salyan rayonunda 3 nəfərin xəsarət alması ilə nəticələnən yol qəzası baş verib. "Report"un Aran bürosu xəbər verir ki, hadisə axşam saatlarında şəhərin Bayraq meydanı yaxınlığında qeydə alınıb. Belə ki iki minik avtomobilinin toqquşması nəticəsində Saatlı rayon sakini, 1987-ci il təvəllüdlü Hüseynov Fərid Şamil oğlu, Lerik rayon sakini, 1965-ci il təvəllüdlü Məmmədov Arzuman Çento oğlu və daha bir nəfər müxtəlif dərəcəli bədən xəsarətləri alıblar. Xəsarət alanlar Salyan Mərkəzi Rayon Xəstəxanasına çatdırılıb. Faktla bağlı araşdırma aparılır.