Şamaxıda baş verən avtomobil qəzasında sürücü xəsarət alıb

Şamaxı rayonunda bir nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə bu gün səhər saatlarında Bakı-Şamaxı yolunun Acıdərə adlanan ərazisində qeydə alınıb.

Şamaxı sakini Ramil Həsənov 90-BV-187 dövlət nömrə nişanlı "VAZ 2107" markalı minik avtomobili ilə hərəkətdə olarkən idarəetməni itirib və maşın yoldan çıxaraq kənardakı betona çırpılıb. Hadisə zamanı sürücü müxtəlif dərəcəli bədən xəsarətləri aldığı üçün Şamaxı rayon Mərkəzi Xəstəxanasına çatdırılıb.

Faktla bağlı araşdırma aparılır.