Saray körpüsü yaxınlığında avtomobil avtobusla toqquşdu - FOTO

Abşeron rayonu ərazisində yol-nəqliyyat hadisəsi baş verib.

Avtosfer.az report-a istinadən xəbər verir ki, hadisə Saray körpüsünün yaxınlığında qeydə alınıb.

"Chevrolet Cobalt" markalı minik avtomobili 522 nömrəli marşrut avtobusu ilə toqquşub.

Əraziyə hüquq-mühafizə orqanlarının əməkdaşları cəlb olunub.

Hadisənin başvermə səbəbləri araşdırılır.