Saray postunda avtomobil aşıb, sürücü xəsarət alıb

Sumqayıt şəhərində minik avtomobili aşıb. Avtosfer.az-ın "Report"a istinadla məlumatına görə, 1984-cü il təvəllüdlü yerli sakin Quliyev Səbuhi Ənvər oğlu şəxsi maşını ilə Bakıdan Sumqayıta gedərkən Saray postu deyilən ərazidə onu aşırdıb. Nəticədə sürücü ağır xəsarətlər alaraq Sumqayıt şəhər TTYX-a çatdırılıb. Xəstəxanadan verilən məlumata görə, yaralının vəziyyəti qənaətbəxşdir və o, ambulator müayinəyə buraxılıb.

Faktla bağlı araşdırma aparılır.