Sərnişin avtobusu arxa aşdı – 10 yaralı

Almaniyada "Flixbus" şirkətinə məxsus avtobus qəzaya uğrayıb. Avtosfer.az-ın Trend-ə istinadən məlumatına görə, insident Rostok şəhərində qeydə alınıb. Magistralda hərəkət edən avtobus yoldan çıxaraq arxa aşıb. Qəza nəticəsində 6 nəfər ağır yaralanıb, daha 10 nəfərin yüngül xəsarətlər aldığı bildirilir. Hazırda magistral yolun Berlin istiqamətində olan hissəsində hərəkətin bağlı olduğu bildirilir. Qəzanın baş vermə səbəbləri məlum deyil. Polis araşdırmaya başlayıb.