Sərnişin avtobusu aşdı: 32 yaralı

Sərnişin avtobusu, Afyonkarahisar və Konya arasındaki avtomobil yolunda, İlgin bölgəsinin yaxınlığında ağır qəzaya uğrayıb. Qəza nəticəsində 4 uşaq olmaqla 32 nəfər yaralanıb.

Hadisə yerinə çox sayda təcili tibbi yardım maşınları cəlb olunub. Avtobus sürücüsü ağır vəziyyətdə Konya şəhərinə aparılıb, digər yaralılar isə İlgin və Akşehir dövlət xəstəxanalarına yerləşdirilib.

Qəzadan sonra mərkəzi avtomobil yolu təxminən 2 saat bağlı qalıb, lakin avtobus qəza yerindən götürüldükdən sonra yolda hərəkət bərpa edilib.

İlgin bölgəsinin icra hakimiyyətinin başçısı xəstəxanaları ziyarət edib və yaralıların vəziyyətinə dair məlumat alıb.