Sərnişin daşıyan mikroavtobus aşdı: 3-ü ağır, 13 nəfər yaralanıb - FOTO

Türkiyədə mikroavtobusun iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Kütahya şəhrində qeydə alınıb.

Məlumata görə, qəsəbələr arası hərəkət edən 43 AFF 02 qeydiyyat nişanlı sərnişin mikroavtobusu sürücünün idarəetməsindən çıxaraq yol kənarına aşıb.

Nəticədə 3-ü ağır olmaqla 13 nəfər yaralanıb.

Yaralılar, hadisə yerinə cəlb olunan ambulanslarla yaxınlıqdakı tibb məntəqələrinə aparılıblar.

Qəza ilə bağlı araşdırma aparılır.

Namiq Musayev