Sərxoş sürücü avtomobili ağaca çırpıb

Neftçalada sərxoş sürücü avtomobili ağaca çırpıb. Avtosfer.az xəbər verir ki, yol qəzası zamanı sürücü xəsarət alıb. Məlumata görə, rayonun Xolqaraqaşlı kəndində 1960-cı il təvəllüdlü yerli sakin Mənəfov Əli Gülağa oğlu sərxoş vəziyyətdə idarə etdiyi “Jiquli” markalı avtomobil ilə hərəkətdə olarkən idarəetməni itirib. Nəticədə avtomobil yolun kənarındakı ağaca çırpılıb.

Nəticədə müxtəlif dərəcəli bədən xəsarətləri alan sürücü Neftçala Mərkəzi Rayon Xəstəxanasına yerləşdirilib. Faktla bağlı araşdırma aparılır.