Siyəzəndə avtomobil aşdı - Yaralılar var

Siyəzəndə “Ford” markalı yük avtomobili aşıb. Avtosfer.az "Qafqazinfo”ya istinadən xəbər verir ki, Bakıdan Xaçmaza gedən “Ford Transit” markalı 90-CL-983 dövlət nömrə nişanlı yük avtomobili qarşısına qəflətən başqa avtomobilin çıxması nəticəsində qəza törədib. Hadisə nəticəsində Xaçmaz rayon Çiləgir kənd sakinləri 1982-ci il təvəllüdlü Rafiq Ağamalı oğlu Nağdıyev və 1979-cu il təvəllüdlü Elnur Nəcib oğlu Səlimov ağır dərəcəli bədən xəsarətləri alıblar. Onlar Siyəzən Regional Diaqnostika Mərkəzinə yerləşdirilib, tibbi yardım göstərilir. Yük avtomobilinin sürücüsü, 1988-ci il təvəllüdlü Rəsul Ağaşah oğlu Babayev yüngül xəsarətlər alıb. 

Qarşılarına çıxan avtomobilin sürücüsünə isə xəsarət dəyməyib. 

Faktla bağlı Siyəzən Rayon Polis Şöbəsində araşdırma aparılır.