Stomatoloq və sərnişini qəzada öldü - Şəmkirdə DƏHŞƏTLİ QƏZA - YENİLƏNİB

Şəmkirdə minik avtomobilinin ağaca çırpılması nəticəsində ölənlərin sayı ikiyə çatıb.

Avtosfer.az unikal-a istinadən xəbər verir ki, avtomobildə olan sərnişin ağır vəziyyətdə Şəmkir Rayon Mərkəzi Xəstəxanasına çatdırılıb. Müayinə zamanı onun öldüyü məlum olub. Qəzada ölənlər sürücü 1990-cı il təvəllüdlü  K.Çobanov və sərnişini 1991-ci il təvəllüdlü S.Məmmədovdur.

Qeyd edək ki qəzada  ölən K.Çobanov stomatoloq işləyirdi.

***

Avtosfer.az xəbər verir ki, qəza Bakı-Qazax magistral yolunun rayon ərazisindən keçən hissəsində qeydə alınıb.

Hərəkətdə olan “Hyundai” markalı minik maşınının sürücüsü idarəetməni itirib. Nəticədə avtomobil yoldan çıxaraq yol kənarındakı ağaca çırpılıb. Qəza zamanı 1 nəfər hadisə yerində həyatını itirib.

Qəzadan sonra avtomobil deformasiyaya uğrayıb. Dərhal hadisə yerinə FHN-nin xiladediciləri cəlb olunub. 1 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.

Bir nəfər xəsarət alaraq xəstəxanaya yerləşdirilib. Hadisə yerinə DYP əməkdaşları cəlb edilib.

Faktla bağlı araşdırma aparılır.(unikal)