Sürət həddini aşan sürücü ağır qəzaya düşdü; sağ qaldı - FOTO - VİDEO

Sürət həddini aşan sürücü dəhşətli qəzada möcüzə nəticəsində sağ qalıb. Avtosfer.az xəbər verir ki, hadisə Rusiyanın Novosibirsk şəhərində qeydə alınıb.

Məlumata görə, yüksək sürətlə hərəkət edən "Mercedes" markalı minik avtomobili idarəetmədən çıxaraq yol kənarındakı dirəyə çırpılıb. Zərbənin gücündən iki hissəyə parçalanan maşın səkiyə tərəf sürüklənib. Qəzadan sonra avtomobildən geriyə yalnız tanınmaz halda olan dəmir yığını qalıb.
Nəqliyyat vasitəsinin tamamilə məhv olmasına baxmayaraq, sürücü oturacağı demək olar ki, zərər görməyib. Xilasedicilərin bildirdiyinə görə, sükan arxasındakı şəxs bu dəhşətli qəzadan sadəcə yüngül sıyrılmalarla qurtulub. Onun ciddi bir xəsarət almadığı və tibbi yardıma ehtiyacının olmadığı qeyd edilir.
Faktla bağlı araşdırma aparılır.

Namiq Musayev