Sürücü qaz və əyləci səhv saldı: 6 yaralı

Yaponiyada avtomobil hərəkət zolağından kənara çıxaraq piyada keçidinin üstünə keçib, xəsarət alanlar var. Trend-in məlumatına görə, hadisə paytaxt Tokionun ən qızğın rayonlarından biri - Sindzükuda baş verib. Yerli vaxtla 08:40-da baş verən insident nəticəsində, yanğınsöndürən bölmələrin məlumatına əsasən, altı nəfər yaralanıb. Onlarda ikisinin vəziyyəti ağır olaraq qiymətləndirilir. Polis əməkdaşları 52 yaşlı sürücünü saxlayıblar. Dindirmə zamanı o bildirib ki, qaz və əyləc pedallarını səhv salıb.