“Tesla” qarşı yola çıxıb TIR-la toqquşdu; qadın sürücü öldü - VİDEO

ABŞ-də ölümlə nəticələnən ağır yol-nəqliyyat hadisəsi baş verib. Avtosfer.az xəbər verir ki, Kaliforniya ştatında Los-Anceles sakini olan 39 yaşlı qadın idarə etdiyi “Tesla Model 3” markalı avtomobillə hərəkətdə olarkən hələlik məlum olmayan səbəblərdən idarəetməni itirərək əks yola çıxıb və qarşıdan gələn TIR-la toqquşub.

Qəza nəticəsində "Tesla"nın sürücüsü hadisə yerində dünyasını dəyişib. Onun cəsədi xüsusi xilasetmə alətlərinin köməyi ilə sıxılıb qalmış avtomobildən çıxarılıb. Avtomobildə olan digər sərnişin isə xoşbəxtlikdən qəzanı yüngül xəsarətlərlə ötüşdürüb.

Hazırda hüquq-mühafizə orqanları tərəfindən faktla bağlı araşdırma aparılır.

Sözügedən hadisənin anbaan videosunu təqdim edirik:

Namiq Musayev