Tətil günlərində yol qəzalarında: 14 ölü, 95 yaralı

Novruz tətili günlərində (20-26 mart) Azərbaycanda yol-nəqliyyat hadisələri zamanı 14 nəfər ölüb. Avtosfer.az xəbər verir ki, bunu "Report"a Daxili İşlər Nazirliyinin (DİN) Baş Dövlət Yol Polisi İdarəsinin şöbə rəisi, polis polkovniki Kamran Əliyev deyib.

K.Əliyev bildirib ki, martın 20-dən 27-dək respublikanın avtomobil yollarında 61 yol-nəqliyyat hadisəsi baş verib: "Baş verən yol qəzaları nəticəsində 14 nəfər ölüb, 95 nəfər isə müxtəlif dərəcəli bədən xəsarətləri alıb”.