Təyyarə qəza enişi etdi

"Southwest Airlines" aviaşirkətinin təyyarəsi ABŞ-ın Ohayo ştatının Klivlend şəhərində qəza enişi edib. Avtosfer.az xarici mediaya istinadən xəbər verir ki, enişə səbəb təyyarənin illüminatorlarının birinin çatlaması olub.

Məlumata əsasən, 957 nömrəli reysi icra edən təyyarə Çikaqodan Nyu-Cersi ştatına yollanırdı. Təyyarə Klivlend aeroportunda texniki baxış üçün enmək məcburiyyətində qalıb.

Xəsarət alanlar barədə məlumat verilmir. Bəzi KİV-lərin yaydığı məlumata əsasən, təyyarənin 76 sərnişininə digər təyyarə təşkil olunub.

Avtosfer.az