Təyyarə qəzaya uğradı: 4 ölü

ABŞ-da bir mühərrikli təyyarə qəzaya uğrayıb. "Report" xəbər verir ki, bu barədə TASS "NBC"ə istinadən məlumat yayıb. Məlumatda bildirilir ki, hadisə Viskonsin ştatında baş verib. Çikaqodan Monro dairəsindəki bələdiyyə aeroportuna uçan "Cessna 182" təyyarəsi naməlum səbəblərdən aeroportun şimalında yerə düşüb və yanıb. Hadisə yerinə gələn yanğınsöndürənlər alovu söndürməyə müvəffəq olublar. Qəza nəticəsində heyət üzvü də daxil olmaqla, təyyarədəki 4 nəfərin hamısı həlak olub. ABŞ-ın Federal Aviasiya İdarəsi qəza ilə bağlı təhqiqat aparır.